Elephants and crops saved in difficult rescue

The bulls were raiding farms and damaging human infrastructure.

An elaborate rescue operation was launched by Elephants Alive – an organisation specialising in elephant research and promoting harmonious coexistence between people and elephants – after a call came in from the Hoedspruit Farmwatch in Limpopo that three young bulls had escaped from the Associated Private Nature Reserves (APNR) in the Limpopo Province, Letaba Heraldreports.

At first the elephants hung around Hippo Pools Resort on the bank of the Olifants River, but they soon began nocturnal raids on neighbouring farms causing damage to mango trees and entering gates.

Elephants who break out of reserves and destroy crops and property are regarded as Damage Causing Animals (DCAs), according to the National Environmental Management Biodiversity Act. This means farmers may apply to the provincial authorities to have them legally shot.

“A big thank you must go to the farmers for their tolerance and care for the elephants,” said Elephants Alive CEO, Dr Michele Henley.

“We hope to show – together with the support of our sponsors – that so-called Damage Causing Animals are often little more than trail blazers caught between expanding human development encroaching on ancient migration paths. Elephants Alive supports the accumulated knowledge that these young risk takers now carry. When we as humans widen our thinking and circles of compassion, we may just come to appreciate the spatial knowledge of these adventurous bulls.”

The nonlethal alternative employed by Henley and her team is to dart and relocate the elephants back into the wild. It was a difficult but expertly crafted procedure that began with the setting up of smokescreens of burning capsicum at the entrances to the mango farms. These smokescreens were utilised for 10 consecutive nights in an effort to prevent any further raids while they set the rescue plan in motion. Capsicum, a member of the chilli family, produces a spicy odour that when burnt is intolerable to elephants.

The team then proceeded to track the elephants on foot. With some difficulty – due to the steep terrain and thick bush where the elephants hid in during the day – they were located and wildlife veterinarian, Dr. Ben Muller, was able to get close enough to dart one bull. The elephant was christened Wayne, in honour of Elephants Alive’s late partner in protection of elephants, renowned conservationist Wayne Lotter who was murdered in Tanzania last month.

Muller attached a satellite collar to the elephant before releasing him to rejoin the other two. With the secretive bulls’ movements now visible online, the plan was to track the group of elephants by air with the hope of darting all three in one go. Two helicopters, a couple of flatbed trucks complete with crane and a trailer, and a team from Wildlife Vets arrived from Nelspruit to carry out the operation. Poignantly, the teams were joined by the late Wayne Lotter’s family, his widow Inge, and twin daughters Tamsin and Cara-Jane.

Following the signal from the tracking collar, the helicopters drove the elephants out of a steep kloof into a small open area.

All three elephants were then darted from the air. A bulldozer was brought in to clear the way for the trucks through the bush, and the anaesthetized elephants were carefully hoisted and secured onto the trucks and driven out of the farmland to the safety of Balule Nature Reserve.

Since one of the bulls had been named Wayne, the other two escapees were named Derek and Lotter – Wayne’s middle and surname.

The relocation was generously funded by Humane Society International, The Young Presidents Organization and Transfrontier Africa’s sponsors, Pennies for Eles and RettetDasNashorn, in turn.

“The relocation was logistically problematic yet spectacularly successful due to the hard-working team of professionals and farmers who were involved in the rescue mission,” said Henley.

 

Motorfietse brul teen Plaasaanvalle by Hartbeespoortdam

Motorfietse brull teen Plaasaanvalle by Hartbeespoortdam

Die lug om Hartbeespoortdam gaan op 16 September 2017 gevul word met die gebrul van motorfietse teen plaasaanvalle.

“Die Nasionale Motorfietsvereniging en sy assosiate gaan die dag fondse insamel om boere en plaaswerkers teen plaasaanvalle te help beskerm. Dié fondse sal tydens Agri SA se kongres in Oktober 2017 aan die Agri Securitas Trustfonds oorhandig word”, sê Ben Stander, voorsitter van die reëlingskomitee.

“Ons as motorfietsentoesiaste kan nie langer terugsit en toesien dat boere en plaaswerkers wat ‘n bate vir ons land is vermoor word, sonder dat ons iets daaraan doen nie. Daarom reël ons die pretdag by die Hartbeespoortdam vakansieoord om fondse in te samel vir die Trustfonds. Ons kan ons vereenselwig met die werk wat die Trustfonds doen om die boerderygemeenskap teen plaasaanvalle te help beskerm en is oortuig daarvan dat die Trustfonds die regte voertuig is om die fondse te ontvang”, sê Piet Jooste, lid van die reëlingskomitee.

Kiewiet Ferreira, waarnemende voorsitter van die Agri Securitas Trustfonds sê dat, “die Trustfonds waardering het vir die welwillendheid van die motorfietsvereniging teenoor die boerderygemeenskap, om hulle by te staan om die huidige misdaadprobleem te help oorkom. Onlangse mediaberigte het weereens die geweld teenoor die boerderygemeenskap op die voorgrond geplaas en daarom is die trustees dankbaar vir die tyd wat professionele mense en lede van die publiek opoffer om boere in hierdie krisistydperk by te staan”.

Lede van die publiek en boere word genooi om te kom deel in die pret wat gedurende die dag aangebied sal word en die poging om fondse in te samel waardeur boere en plaaswerkers beskerm kan word. Daar sal hope vermaak, eet- en drinkgoed beskikbaar wees. Verskeie kunstenaars het hulle dienste gratis beskikbaar gestel om hulle deel by te dra tot die fondsinsamelingsprojek. Almal is welkom om die dag te kom ondersteun en hekke open reeds om 08:00.

Ter afsluiting sê Ben Stander, “dat dit nou lede van die publiek se tyd is om ‘n deel by te dra om ons boere en plaaswerkers te ondersteun, ons kan nie net aanhou praat oor die probleem, nou kan almal iets bydra. Jy kan nie die pretdag misloop nie, onthou dit is vir boere, plaaswerkers en families om hulle te help beskerm teen plaasgeweld. Ons vereenselwig ons ook met die doelstellings van die Agri Securitas Trustfonds en die werk wat hulle doen om die boerderygemeenskap te help beskerm”.


‘Wonderwerk’ dat bejaarde mesaanval oorleef

Julie Haremse. Foto: Facebook.

ʼn Familielid van Julie Haremse (82), die vrou wat verlede week wreed in haar huis in Phalaborwa aangeval is, het, het vertel Haremse het verbete teen haar aanvaller geveg, maar is teruggesleep in haar motorhuis in voordat sy daarin kon slaag om te ontsnap.

Rohan Eloff, Haremse se kleinseun, het aan Maroela Media die traumatiese gebeure van die aanval op sy ouma vertel. Volgens Eloff sou Haremse die middag by iemand gaan kuier het toe sy oorval is. Haar motor was buite die hek voor die huis en Haremse het vinnig in die huis ingegaan om reg te maak.

“Die man het haar aangeval en toe teruggesleep motorhuis toe. Ons hoor sy het selfs drie keer amper ontsnap, maar die vierde keer toe hy haar steek kon sy nie wegkom nie,” het Eloff gesê.

Die aanvaller het glo daarna ʼn soort gel-middel in haar motor se enjin gegooi, vermoedelik om te verhoed dat die motor kan ry, en in haar huis ingegaan. Eloff het gesê sy ouma het ʼn geluid in die huis gehoor maar kan nie bevestig of dit die televisie of moontlik ʼn tweede aanvaller was nie. Sy het gesê sy het net een aanvaller gesien.

Volgens Eloff bak sy ouma graag en is daar altyd lekkernye en gebak in die huis. “Hy het daarvan geëet, TV gekyk en in haar bed gelê. Hy het selfs haar ringnek-voël, wat uiteraard gewoond is aan my ouma, in die laai gesit omdat die voël baie geraas gemaak het,” het Eloff gesê.

Die polisie het vroeër aan Maroela Media gesê Haremse het ernstige steekwonde aan haar keel en linkerarm opgedoen, haar bene was vasgebind en kleefband is om haar nek gebind. Eloff het dit bevestig en gesê hulle vermoed die kleefband kon moontlik sy ouma se lewe gered het.

Haremse is die volgende oggend omstreeks 09:00 deur een van haar bure gevind nadat hy onraad vermoed het toe hy die motor buite die hek sien staan het. Dit is nie duidelik wanneer die aanvaller hom uit die voete gemaak het nie.

“Ons kan nie verstaan hoekom niemand vroeër onraad vermoed het toe my ouma se motor oornag buite die hek gestaan het nie,” het Eloff gesê.

Volgens Eloff is Haremse se stembande beseer tydens die voorval en het die dokters by die private hospitaal in Tzaneen aan die familie gesê dit is ʼn wonderwerk dat sy die aanval oorleef het. Haremse sal na verwagting nog twee dae in die hospitaal aanbly.

Julie Haremse. Foto: Facebook.

Lt.kol. Moatshe Ngoepe, provinsiale woordvoerder van die polisie, het Dinsdag aan Maroela Media gesê ʼn saak van huisroof word ondersoek. “Weens [Haremse se] ernstige beserings was sy nie in staat om te praat nie,” het Ngoepe gesê.

Die aanvaller se skoene, broek en selfs die mes waarmee Haremse aangeval is, is in die huis aangetref. “Ons vermoed hy het van my ouma se oorlede man se klere aangetrek voordat hy gevlug het,” het Eloff gesê.

Ngoepe het gesê Haremse se selfoon en ʼn onbekende hoeveelheid kontant is geroof. Volgens Eloff is haar skootrekenaar ook gebuit.

Bejaarde talle kere tydens huisroof gesteek

misdaad-polisie-crime-scene-kent-williamson-5

Argieffoto: Kent Williamson

Die polisie in Phalaborwa ondersoek ʼn saak van huisroof nadat ʼn 82-jarige vrou in haar huis in Monnastraat in Phalaborwa, Limpopo, gewelddadig aangeval en beroof is.

Lt.kol. Moatshe Ngoepe, provinsiale woordvoerder van die polisie, het gesê Juliana Haremse, ook bekend as Juliana van Schalkwyk, is Donderdagmiddag in haar huis oorval en talle kere in haar nek gesteek. “Sy het baie ernstige steekwonde aan haar keel en linkerarm opgedoen,” het Ngoepe gesê.

Volgens Ngoepe is Haremse se bene ook vasgebind en kleefband is om haar nek gebind. Die voorval het ure lank geduur, van Donderdag om 13:25 tot Vrydag om 09:20, het Ngoepe gesê.

“Weens [Haremse se] ernstige beserings was sy nie in staat om te praat nie. ʼn Ambulans is ontbied om haar na ʼn hospitaal te neem vir verdere mediese behandeling,” het Ngoepe gesê.

Maroela Media verneem een van die bure het onraad vermoed en by Haremse se huis gaan ondersoek instel waar sy glo op die vloer van die motorhuis aangetref is. ʼn Familielid het aan Maroela Media gesê een van die aanvallers het in Van Schalkwyk se bed gelê en televisie kyk terwyl sy bloeiend in die motorhuis gelê het. Daar word ook beweer dat die aanvallers met haar voertuig van die toneel gevlug het.

Ngoepe kon egter nie hierdie inligting bevestig nie. Hy het wel gesê Haremse se selfoon en ʼn onbekende hoeveelheid kontant is deur die verdagtes geroof. “Ons kan nog nie sê hoeveel aanvallers daar was nie. Die polisieondersoek duur steeds voort,” het hy gesê.

Haremse se kleinseun het op Facebook gesê sy ouma is sewe keer in die nek gesteek “en vir ure lank gemartel”.

Haremse se dogter het aan Maroela Media gesê sy sal later kommentaar oor die voorval lewer.

Niemand is nog in verband met die voorval in hegtenis geneem nie.

Groot grondeis in Pretoria teengestaan

Groot grondeis in Pretoria teengestaan

Die sakeregtewaghond AfriSake het onlangs weer ingegryp om ʼn groot grondeis ten opsigte van eiendomme in die ooste van Pretoria teen te staan.

Volgens AfriSake het sy regspan onlangs ’n voorverhoorvergadering oor die Lekhuleni-grondeis by die grondeisehof in Randburg bygewoon.

Armand Greyling, regs- en beleidsontleder by AfriSake, het gesê die voorverhoor het meestal gefokus op die oplos van kwessies wat tydens die verhoor gehanteer sou moes word.

Die verhoor sal waarskynlik later vanjaar begin, het Greyling gesê.

“Dit beteken dat slegs finale beëdigde verklarings geliasseer moet word, aangesien die aangeleentheid gereed is om verhoor te word. AfriSake eis dat die grondeisehof se beslissing dat die Lekhuleni-eis geldig is, tersyde gestel word omdat die administratiewe diskresie in hierdie geval slegs by die grondeisekommissaris berus,” het hy verduidelik.

Greyling meen dit blyk dat hierdie eis opportunisties en soortgelyk is aan die Bakwena ba Mare a Phagole- of Suid-Gauteng-grondeis waarby AfriSake ook aktief betrokke is.

“Ons glo dat die reg sy gang moet gaan wanneer geldige eise ingedien word, maar in dié geval kan ons nie saamstem dat die eis geldig is nie. Die grondeisehof se betrokkenheid in hierdie saak oor die diskresionêre gesag van die grondeisekommissaris blyk ook onvanpas te wees en AfriSake sal alles in sy mag doen om te verseker dat die regte prosedures gevolg word,” het Greyling gesê.

Dié grondeis betrek meer as 500 residensiële eiendomme, nege plase en verskeie skole en besighede. Dit is na bewering deur wyle Victor Lekhuleni ingestel, wat aangevoer het dat hy die leier van die Bakgatla Ba Lekhuleni-stam was. Hy is ná sy dood deur Velaphi Victor Lekhuleni opgevolg.

Volgens AfriSake is die eis na bewering op 21 Oktober 1996 by die grondeisehof ingestel. Ná ’n ondersoek het die kommissie dit op 16 Januarie 2013 duidelik gemaak dat geen eis ingedien is nie en dat die kommissie nie sal voortgaan om die eis te ondersoek nie. Op 8 Augustus 2014 het die grondeisehof dié besluit egter hersien en tersyde gestel.

As die hof se besluit nie tersyde gestel word nie, sal hulle voortgaan om die meriete van die saak te beveg betreffende of enigiemand weens diskriminerende wette met geweld van die eiendom ter sprake verwyder is, het Greyling bygevoeg.

Deur: Maroela Media


Klasse by Hoёrskool Pretoria-Wes ontwrig oor kleefbroeke

Klasse by Hoёrskool Pretoria-Wes ontwrig oor kleefbroeke

Beamptes van die Gautengse departement van onderwys is Maandag na Hoёrskool Pretoria-Wes ontplooi nadat leerders Vrydag klasse geboikot het omdat hulle eerder noupassende broeke as gewone wyepyp-broeke as deel van hul skooluniform wil dra.

Steve Mabona, woordvoerder van die Gautengse departement van onderwys, het gesê die herrie rondom die skooluniform het begin nadat twee “oproerige leerders” ná ʼn dissiplinêre verhoor vir sewe dae geskors is omdat hulle die skool se kleredragkode oortree het.

Die twee leerders was Donderdag weer terug by die skool waar hulle ander leerders by die skool oortuig het om klasse te ontwrig in ʼn poging om die skool te dwing om hulle toe te laat om spanbroeke, ook bekend as kleefbroeke of sogenaamde skinny pants, te dra.

Die twee leerders het ook ʼn WhatsApp-groep gestig om sodoende ondersteuning vir die saak te werf.

Lede van die leerderraad was aanvanklik nie deel van die WhatsApp-groep nie, maar is ná die departementele beamptes se besoek aan die skool by die groep ingesluit om die gesprekke daarop te monitor.

“Die onderrigbedrywighede by die skool het vandag [Maandag] normaalweg voortgegaan,” het Mabona gesê.

“Die skoolbeheerliggaam het besluit om ʼn vergadering met die ouers van die skool te hou om die saak verder te bespreek. Intussen bly die skool se gedragskode van krag.”

Mabona het gesê dit is “bemoedigend” dat graad 12-leerders Vrydag, ondanks die ontwrigting, toegelaat is om hul voorbereidingseksamen te skryf.

“Die departement veroordeel die leerders se gedrag ten sterkste en doen ʼn beroep op leerders om die beskikbare strukture te gebruik om besware of kommerwekkende kwessies aan te raak eerder as om skoolbedrywighede te ontwrig. Ons doen ʼn beroep op leerders om hulle te weerhou van onwettige betogings, aangesien hul toekoms van
hul skoolloopbaan afhang,” het hy gesê.

Panayaza Lesufi, LUR vir onderwys in Gauteng, het gesê dit is “teleurstellend” dat die departement se tyd en hulpbronne in beslag geneem word deur geringe kwessies wat nie hul prioriteit behoort te wees nie. “Ons fokus is om die gehalte van onderwys te verbeter en ons is nou besig met voorbereidingseksamens en algemene voorbereiding vir matriekeindeksamens.”

Deur: Maroela Media


Nouer samewerking tussen die NG Kerk en Hervormde Kerk

kerk

Moderamen van die Nederduitsch Hervormde Kerk van Afrika (NHKA) en die Moderatuur van die Algemene Sinode van die Nederduitse Gereformeerde Kerk in Suid-Afrika (NGK) het tydens ʼn gesamentlike vergadering wat buite Pretoria gehou is, hul voorneme bekend gemaak om verder nou met mekaar saam te werk.

In die lig van die bestaande bilaterale ooreenkoms tussen die NHKA en die NGK onderneem die Moderature van die twee kerke om veral met betrekking tot die volgende gemeenskaplike sake samewerking tussen gemeentes én sinodale strukture te bevorder, aldus dr. Wouter van Wyk, sekretaris van kommunikasie van die NH Kerk.

• Albei kerke ag dit van groot belang om missionaal kerk te wees, en moedig gemeentes aan om in hierdie verband plaaslik al nouer met mekaar saam te werk.
• Teologiese opleiding is vir die kerk van kardinale belang, en daarom wil die Moderature verseker dat voornemende predikante van die twee kerke steeds die beste moontlike teologiese opleiding ontvang. Daar moet ook erns gemaak word met opleiding van tweedeloopbaanpredikante op die mees tyd- en kostedoeltreffende manier moontlik, terwyl daar ook programme ontwikkel word om teologiese toerusting aan ampsdraers, kerklike werkers en lidmate te verskaf.
• Die twee kerke onderneem om op ekumeniese gebied al meer met mekaar en ander kerke saam te werk, en die moontlikheid van Ekumeniese Sinodes (saam met ander kerke) te ondersoek.
• Gemeentes van die twee kerke (binne én buite Suid-Afrika) word aangemoedig om al nouer met mekaar saam te werk, veral waar gemeentes as gevolg van demografiese verskuiwings en ekonomiese druk in ’n oorlewingstryd gewikkel is.
Die kerkleiding van albei kerke onderneem om sulke gemeentes met toepaslike samewerkingsooreenkomste by te staan. Gemeentes word ook aangemoedig om hul ervaring van sukses en knelpunte in bestaande samewerkingsooreenkomste met die kerkleiding te deel sodat dit uiteindelik die hele kerk kan dien. Gemeentes word ook uitgenooi om die kerkleiding te nader insake enige bedieningsbehoeftes wat daar plaaslik mag bestaan. Indien dit blyk dat kerkordelike aanpassings nodig word om besluitneming tussen samewerkende gestaltes van die kerk moontlik te maak, sal dit dan oorweeg word.
• Die twee kerke ondersoek geleenthede om plaaslik en nasionaal nouer saam te werk in barmhartigheidsdiens.
• Die goeie samewerking met betrekking tot die kerklied en -musiek word verder uitgebou.
• Groter samewerking met betrekking tot die elektroniese media word ondersoek.

KFC-voorval: Drie in hof

Drie mans van Pretoria wat daarvan beskuldig word dat hulle ʼn egpaar in Montana aangerand het, het Vrydag in die landdroshof in Pretoria-Noord verskyn.

Landdros Motlhoki Rapulana het na die mans se aansoek om borgtog geluister en gesê sy het tyd nodig om die bewyse te bestudeer, voordat sy haar besluit op 30 Augustus bekend sal maak.

Staatsaanklaer Ronnie Sibanda voer aan die mans moet nie vrygelaat word nie, aangesien hul veiligheid nie gewaarborg is nie en ʼn gevoel van vrede in die gemeenskap ondermyn kan word. “Die aansoek om borgtog moet ook in die belang van die publiek wees, aangesien die voorval in die publieke arena plaasgevind het.”

Stephan Nel (39), Joshua Scholtz (21) en Dicky Junior van Rooyen (21) staan tereg op aanklagte van poging tot moord, aanranding met die doel om ernstig te beseer en die rig van ʼn vuurwapen. Hul een medebeskuldigde, Marius Harding (23), het sy aansoek om borgtog laat vaar en nog ʼn beskuldigde, Ockert Muller (20), se aansoek om borgtog is reeds goedgekeur.

Die mans word daarvan beskuldig dat hulle Jacob Sono en sy vrou Dudu op 2 Augustus by die KFC-deurrybaan in Montana, Pretoria, aangerand het. Video’s van die voorval is wyd op sosiale media versprei.

Konst. William Tladi, ʼn ondersoekbeampte in die saak, het vroeër tydens die aansoek om borgtog getuig en het aan die hof gesê Sono kon aan ʼn hartaanval gesterf het. Hy het gesê Sono se mond en ore het gebloei nadat hy by die kitskosrestaurant aangeval is. Hy was die tweede getuie om die borgtogaansoek van die mans teen te staan.

Tladi het aan die hof gesê beskuldigde nommer een, Stephan Nel, het by die toneel aangekom toe die bakleiery begin het, en hy het ʼn vuurwapen op Sono gerig voor hy hom saam met sy medebeskuldigdes geslaan het. “Dit is hoekom ek die borgtog teenstaan. ʼn Persoon kan sterf as jy hom teen die kop slaan.”

Adv. Francois Kriel, vir Schultz, voer aan Sono is vir ʼn knop op sy kop behandel en ʼn gebarste membraan in sy oor wat binne ʼn paar dae genees het. Hy hou vol die beserings was nie ernstig of lewensgevaarlik nie.

Tladi het aan die hof gesê die aanvallers het nie net die egpaar fisies aangeval nie, maar ook rassistiese uitlatings gemaak.

Daar is egter geen aanklagte wat met rassisme en crimen injuria verband hou op die klagstaat nie.

Nel se prokureur, Nols Nolte, het aan die hof gesê Tladi is nie vertroud met die besonderhede van die saak nie, en hy het net opdrag gekry om hof toe te kom en die borgtogaansoek teen te staan. Nolte wou weet waarom daar geen klag van crimen injuria is nie, indien Dudu Sono beledig is, aldus die polisie se weergawe.

Tladi het gesê hy het nie die klaers se verklarings geneem of die klagtes geformuleer nie. Hy het gesê hy het die dossier ontvang om ondersoek in te stel.

Seun vas oor bedrog van R93 miljoen, pa in hof oor korrupsie

Tseko Mojalefa Rabotho (29) het Vrydag in die gespesialiseerde handelsmisdaadhof in Pretoria verskyn op aanklag van korrupsie.

Rabotho is op 17 Augustus deur die Valke in hegtenis geneem op aanklag van bedrog, korrupsie en geldwassery ten waarde van R93 miljoen, het lt.kol. Robert Netshiunda, woordvoerder van die Valke, gesê. Hy het aanvanklik op 21 Augustus in die hof verskyn waar dit aan die lig gekom het dat hy ʼn aantal bates, insluitend twee luukse eiendom en 19 motors, bekom het, wat nooit gefinansier is nie.

“Net voor Rabotho Donderdag vir sy aansoek om borgtog in die hof sou verskyn, wou sy pa, Jackie Nicholas Rabhoto (57) die ondersoekbeampte by die Valke se kantoor in Pretoria glo met R52 000 kontant omkoop,” het Netshiunda verduidelik. “Hy is dadelik in hegtenis geneem. Hy het ʼn verdere R48 000 kontant in sy besit gehad.”

Jackie het Vrydag in die hof verskyn op aanklag van korrupsie.

Die twee mans moet weer op 31 Augustus in die hof verskyn.

Onderwysdepartement sê oor Meyerspark se beheerliggaam

skool-skoene

Foto: Pinterest.com

Die Gautengse onderwysdepartement sê hulle het besluit om die omstrede beheerliggaam van Laerskool Meyerspark van alle magte te stroop en ʼn bestuursadministrateur oor die skool aan te stel.

Maroela Media het vroeër die week berig dat ouers steeds verskeie klagtes het oor die wyse waarop die beheerliggaam die finansies van dié skool in die ooste van Pretoria bestuur.

Marius Botha, ʼn onafhanklike onderwyskonsultant wat die ouers van die skool bygestaan het met advies, het aan Maroela Media gesê die distrikskantoor het ʼn aanbeveling aan hul hoofkantoor gestuur waarin hulle voorgestel het die beheerliggaam moet van alle magte gestroop of ontbind word.

Steve Mabona, woordvoerder van die departement, het bevestig die departement het besluit om nie die beheerliggaam te ontbind nie, maar eerder van hul funksies te onthef. “Ons sal ook beweerde onreëlmatighede opvolg en ondersoek. Verder is daar ʼn proses van stapel gestuur om te bepaal of daar wel onderwysers is wat nie hul salarisse by die skool ontvang het nie,” het hy gesê.

Volgens Mabona is daar ook nie verder aan die skool se beleid verander soos wat die beheerliggaam verlede jaar voorgestel het nie. “Die skool se ure is nie verleng nie, maar daar is wel ekstra klasse bygevoeg om leerders wat uitdagings met wiskunde, wetenskap, Engels en Afrikaans ondervind te akkommodeer. Dié ekstra klasse duur van 14:00 tot 16:00 soos wat by die algemene jaarvergadering besluit is, wat op 19 Oktober 2016 gehou is. Die besluit kan ook weer by dieselfde vergadering hersien word.”

Maroela Media het in Februarie berig oor ʼn groep bekommerde ouers van dié skool wat ʼn versoekskrif met 600 handtekeninge aan die Gautengse onderwysdepartement oorhandig het waarin hulle geëis het die beheerliggaam moet onmiddellik bedank, of deur die departement ontbind word.

Die ouers het verlede jaar met die beheerliggaam begin koppe stamp nadat daar op ʼn algemene jaarvergadering besluit is om Afrikaans as onderrigtaal by die skool af te skaf. Die beheerliggaam het ook besluit om die skool se naam, embleem en uniform te verander en die skoolure te verleng. Die onderwysdepartement het toe ingetree en bevind die beheerliggaam het nie die regte prosedures gevolg nie en Afrikaans as onderrigmedium het voorlopig by die skool behoue gebly.

Powered by WordPress